Duterte, kuwang sa tulog, nabalaka ug hago tungod sa ASEAN Summit

"Normal nga mabalaka ko kay ako man silang bisita ug ang ilang siguridad akong responsibilidad," matud pa ni Duterte.-Hulagway kuha ni Rey Baniquet/Presidential photo

DAKBAYAN SA DABAW — Kuwang sa tulog, kapoy ug nabalaka, mao kini gibati karon ni President Rodrigo Dutetre isip chairman sa bag-o pa lang nahuman nga ASEAN Summit 2017 nga gipahigayon dinhi sa Pilipinas .

Loyloy ug mata ug namiyahok ang nawong sa Presidente sa dihang  miatubang kini sa miembro sa media Martes sa gabii, Nobember 14, atol sa pormal nga pagtapos sa tulo ka adla nga ASEAN summit.

Isip chairman sa ASEAN 2017, matud pa ni Duterte  siya nabalaka sa siguridad tungod kay ania dinhi sa basud ang mga lideres sa dagku nga nasud sa kalibutan nga nag-atubang karon sa hulga sa terorismo.

Isip hosts,  obligasyon ni Duterte ang atimanun ug protektahan ang iyang mga bisita nga gipangunahan ni  Donald Trupmp, ang presidente sa Estados Unidos.

“Normal nga mabalaka ko kay ako man silang bisita ug ang ilang siguridad akong responsibilidad,” matud pa ni  Duterte.

MAskin ang mga suporters ni Duterte nga naglantaw kaniya sa telebisyon nakakita sa kaluya sa preisdent, gani ang uban kanila mihangyo na sa media nga di na magsige ug pangutana ug papahuklayon na ang ilang “Tatay Digong.”

“Kuwang ug mga 17 ka oras nga tulog, Sguro tungod kay gamata ko sa 16-ka oras,” siya nagbutayg.

Sa pag-abot pa lang ni Duterte sa intablado, mihangyo kini sa media nga tagaan sia ug pipila ka minuto aron makaginhawa tungod sa iyang kahago.

Daghan kuno kaayo siya ug bilateral mitings nga gitambungan ug uban pang mga aktibidad sa tulo ka adlaw nga ASEAN SUmmit.

Gusto na gani kuno siya mopauli nganhi sa Dabaw aron makapahulay kuyog ang iyang mga apo ug mogakus sa  iyang kinamanghurang  anak nga si Veronica kon Kitty”.

Kagabii, pormal na nga nahuman ang ASEAN Summit  halos katunga na sa mga bisita mibiahe na pauli sa ilang nasud.

Matud pa ni Duterte, dinhi sa Dabaw malipayon kuno siya kay komportable ra siay apan inig tugpa na sa eroplano sa Manila mura kunog lain jud iyangn paminaw “Murag naa gyuy malli dinhing lugara,” pasiaw pa sa presidente.-Harold V. Pontongan/Newsline.ph