Balay ni PNOY gilabay ug lapuk

Posted on

DAKBAYAN SA DABAW, Mindanao-— Gilabay ug lapuk sa mga nagpailang biktima sa bagyong Yolanda ang pinuy-anan  ni kanhi Presidente Benigno “Noynoy” Aquino III, didto sa Time Street, Quezon City, kagahapon sa udto, Pebrero 27, 2018.

Matud pa sa mga nagprotesta, walay nahimo si Pnoy sa ilang kalisod, gani,  gagamit lang kuno sila sa politikanhong katuyuan ug gipangwartahan lang sila sa kanhing administrasyon.

Gitawag nila ang ilang protesta nga “mud protest” tungod kay lapuk ang ilang gipanglabay sa sulod sa natad ni Aquino.

Matud pa sa mga nagprotesta, gipasagdan sila ni Aquino ug wala panumbalinga ang ilang kawad-on.

Nagyawyaw ang mga biktima sa Yolanda tungod kay ang mga balay nga gitukod alang kanila gabuk ug giputos lang kuno ug pintura.

Niadtong tuig 2013, grabeng pagkaigo sa Leyte ug Eastern Visayas sa Bagyong Yolanda, gibana-bana nga dili mokunhud sa 6,000 ka tawo ang nangamatay tungod sa kalamidad.

Ang mga raliyesta nagbutyag nga gikan pa kuno sila sa Easter Samar ug mibiahe lang paingon sa Manila ron magprotesta sa balay ni PNoy.

Apan, wala kaayo nakaduol ang mga nag protesta tungod kay adunay dagku nga harang sa duha ka entrada sa Time Street.-Rey Nuñez/Newsline.ph

Be informed
  • 18
  •  
  •  
  •  
  •  
    18
    Shares
  • 18
  •  
  •  
  •