Pekeng Colonel sa sundalo gibalhug sa prisohan

Posted on

DAKBAYAN SA DABAW, Mindanao-— Pekeng sundalo nasikop sa Task Force Davao ug Bunawan Police kaniadtong Huebes.

Gidakop ug gibalhug sa prisohan, ang usa ka nagpailang Lt. Col. sa army nga nagdala ug baril pasulod sa Davao City,  Pasado alas tres sa hapon kgahapon, Marso 1, 2018 sa checkpoint sa Task Force Davao ug Bunawan Police Station didto sa Barangay Lasang .

Nasikop ang usa ka Ramon Alba III, 36 anyos ang pangidaron ug taga Brgy. Poblacion Banga Aklan.

Pasulod sa Davao City sakay sa usa ka pampasaherong Bus ang suspek, pag agi sa checkpoint nakita ang usa ka punto 45 calibre sa pistol, tulo ka magazine ug 24 ka mga buhing bala sa .45.

Suma sa suspek nga usa sya kasakop sa army, apan sa dihang gisuta, nahibal-an nga way nakaila sa AFP kang Lt. Col. Ramon Alba III. Way mga papeles nga ikapakita ang suspek.

Kagahapon gipasakaan kini ug kasong pagsupak sa Republic Act 10591 kun Illegal Possession of Firearms and Ammunitions.-Rey Nuñez/Newsline.ph

Be informed
  • 45
  •  
  •  
  •  
  •  
    45
    Shares
  • 45
  •  
  •  
  •