DAKBAYAN SA DABAW, Mindanao (Mayo 10) –— Patay ang dos anyos nga batang babaye human kini naligsan sa armored car sa Dasia Security Agency, samtang nagtabok sa pedestrian lane sa dalang San Pedro St., pasado alas onse sa udto, Mayo 10, 2018.
Ang biktima nailhang si Loviege Pangantihon, dos anyos, samtang nagtabok kauban ang iyang inahan sa pedestrian, aksidente kining naligsan sa armored car nga miagi, lata ang ulo sa bata tungod kay naagian kinis duha ka ligid sa armored car, nasayran nga wa maguniti sa inahan ang bata sanglit daghan kinig bitbit.
Sa cctv footage, makita nga nag una ang bata sa inahan, nagdagan paingun sa armored car.
Wala kuno makita sa driver ang bata tungod kay sa toong bahin sa karsada kini nagikan ug didto sa kilid sa ligid miagi ang nagdagan nga bata.
Samtang ang driver sa armored car nga si Gregorio Vito Jr., 23 anyos ang gibalhog sud sa prisuhan sa San Pedro Police Station, diin nakatakdang pasakahan ug kasong Reckless Imprudence Resulting to Homicide.-Rey Nuñez, Newsline.Ph
Â
