DAKBAYAN SA DABAW — Miabot na sa 801 ka membro sa Philippine National Police (PNP) sa nasud ang natakbuyan sa coronavirus-19, sukad kaniadtong Marso.
Kini tungod kay nadugangan oh 47 a kaso niadtong Huebes sa gabii , sumala sa PNP Health Service sa usa ka pahayag.
Ang mga bag-ong kaso nagagikan sa National Capital Region Police Office,19; Police Regional Office (PRO) 7 (Central Visayas), 13; Aviation Security Group (Avsegroup) 8; National Headquarters 5; and PRO 4-A (Calabarazon) 2.
Sa 801 ka pulis, 386 na kanila ang nakarekober samtang siyam na usab ang namatay..
Sumala sa taho, ang PNP Health Service padayong nagmonitor sa 653 posibleng kaso ug dunay gikasuspetsahan nga 1,241 ka kaso.
Sa pagkakaron, naghulat pa ang PNP nga aprobahan sa Department of Health ang plano nga magbutang ug covid-19 testing laboratory sa Central Visayas.
Gimanduan na ni PNP chief, Gen. Archie Gamboa ang PNP Command Group nga paspasan ang pagtukod sa reverse transcription-polymerase chain reaction (RT-PCR) laboratory sa Central Visayas.
Kahinumduman nga niadtong May 26, pormal nang gi-abrihan sa PNP ang pinakauna niining Covid-19 testing laboratory sa Camp Crame didto sa Quezon City. Ang pasilidad dunay kapasidad nga motesting og 150 ka tawo kada adlaw.-Newsline
