MAKILALA, North Cotabato — PATAY gilayon ang helper sa water tanker nga maghatud unta ug tubig sa mga biktima sa linog dinhi sa lungsod, sa dihang nawad-an kini ug kontrol.
Bandang alas 7:30 ganinang buntag, Nobiembre 5, Samtang nagsubay sa dalan sa utlanan sa Barangay Patulangon ug Makilala Poblacion ang truck sa Dumoy Water sa dihang nawad-an ug kontol ang driver sa iyang gidalang sakyanan kay wala mopaak ang brake, ug kini miresulta sa pagtakilid sa truck, ug naipit ang helper niini, hinungdan sa iyang kamatayon.
Maayo na lang kay milabay ang Ormoc Rescue team, ug daling natabangan ang driver, nga anaa na karon sa luwas nga kondisyon.
