DAKBAYAN SA DAVAO, Pilipinas-— Temporaryong i-ban sa Pilipinas ang pagsulod sa buhi ug karne sa baka kini sumala sa Department of Agriculture human dunay nakita nga “Mad Cow” disease kon sakit sa baka niadtong Mayo didto sa Scotland sa naud sa United Kingdom
Ubos sa Memorandum Order 20 nga giisyu niadtong Mayo 30, 2024, ang DA mimando sa temporaryong pagdili nga naglangkob sa importasyon sa buhi nga baka, karne, mga produkto sa karne, bovine processed animal proteins, ug cattle semen gikan sa United Kingdom.
Wala pa gipagawas sa DA ang usa ka kopya sa Memorandum Order, apan, namatikdan nga kini tungod sa pagkakita sa usa ka klasikal nga strain nga C-type nga BSE sa South Ayrshire sa Scotland kaniadtong Mayo 10, ingon gikumpirma sa usa ka taho sa World Organization for Animal Health. – Sistema sa Impormasyon sa Panglawas sa Kalibutan sa Hayop.
“Tungod sa posibleng risgo sa mga konsumidor ug sa pagpanalipod sa lokal nga industriya sa kahayupan nga adunay dakong papel sa ekonomiya sa Pilipinas ug mibalor og P260 bilyon sa miaging tuig, si Secretary Tiu Laurel nipahamtang ug temporaryong import ban nga nagpasiugda sa importansya sa mga precautionary measures sa protektahan ang panglawas sa publiko, ”ingon sa DA sa usa ka pahayag.
Sumala sa DA, ang Bovine Spongiform Encephalopathy, nga mas nailhan nga Mad Cow Disease, mahimong hinungdan sa kamatayon sa baka ug ang pagsulod niini sa karne ug buhi nga baka posibleng makakaylap sa Mad Cow disease nga mahimong makaapekto sa industriya sa kahayupan ug makompromiso ang kaluwasan sa pagkaon.
Sumala sa DA, ilang inspeksyonon ug bantayan ang tanang kargamento nga gikan sa UK nga moabot sa mga pantalan sa Pilipoinas aron dili kini makasulod.
Ang tanang produkto nga gimatada sukad niadtong Abril 10, didli na makasulod.
