DAKBAYAN SA DAVAO— Pasado na sa ikaduhang pagbasa niadtong Mierkules, Mayo 15, sa Kongreso ang House Bill 9349, nga naghatag sa diborsyo ds msgtiayon nga dili na magkasinabot apan dunay mga legal nga basehan nga gitakda.
Ang divorce bill sa House of Representatives alang sa final reading vote sunod semana.
Kahinumduman nga giaprobahan na sa Kamara ang susamang balaudnon sa 17th Congress apan namatay kini sa Senado ug wala na mahisguti.
Ang Senate Bill 2443 o ang gisugyot nga “Dissolution of Marriage Act” napending sa ikaduhang pagbasa sa Senado sukad niadtong Septiyembre 18, 2023.
Ang basehan alang sa legal separation ubos sa Family Code of the Philippines makonsiderar usab nga basehan sa absolute divorce. Kini naglakip sa:
- Pisikal nga pagpangabuso o grabeng abusado nga binuhatan nga gitumong batok sa petitioner, sa ilang anak, o usa ka bata sa petitioner;
- Pisikal nga pagpangabuso o moral nga pagpang-ipit o pugson ang petitioner sa pag-usab sa relihiyon o politikanhong grupo;
- Pagsulay sa respondent aron pagpangurakot o pag-aghat sa petitioner, pagpugos sa ilang pursoso nga anak sa prostitusyon;
- Ang respondent nagsentensiya og pagkapriso og kapin sa 6 ka tuig;
- Pagkaadik sa droga, pagkasugapa sa alkohol kon palahubog o kanunay nga pagsugal;
- Homosexuality sa respondent;
- Pagkontrata sa respondent sa sunodsunod nga bigamous nga kaminyuon;
- Pagluib sa kaminyoon o kahiwian o pagbaton og anak sa laing tawo gawas sa kapikas sa panahon sa kaminyoon;
- Pagsulay og kutlo sa kinabuhi sa petitioner, sa ilang anak, o anak sa petitioner; ug
- Ang pag-abandonar sa petitioner sa respondent nga walay igong rason sa kapin sa usa ka tuig
Sumala ni Albay 1st District Representative Edcel Lagman, ang nagduso sa balaudnon, ang katuyuan sa maong balaud aron mahatagan og kagawasan ang mga minyo nga nag antis sa daghan nga problema sa ilang kaminyuon.
“Dili lang ang dili malipayon nga mga sitwasyon sa kaminyoon kon dili ang makapaguol nga mga sitwasyon, ang makahilo nga relasyon diin adunay balido nga basehan sa pagpetisyon. alang sa diborsyo. Tungod kay kung wala’y balido nga mga sukaranan, wala’y diborsyo nga ipahamtang,” dugang ni Lagman.
Ang mga proseso sa diborsyo “kinahanglan nga moagi sa usa ka hingpit nga pagsusi sa korte, saysay ni Lagman.
Ang kongresista sa Albay midugang nga ang maong balaudnon kay pabor sa kababayen-an. “Sa kadaghanan nga mga kaso, ang asawa mao ang biktima sa usa ka napakyas ug makahilo nga kaminyoon, sama pananglitan sa pag-abuso sa kaminyoon, pagluib sa kaminyoon, ug pagbiya sa kaminyoon,” ingon niya.
Giila ni Lagman nga sa pipila ka mga kaso ang bana mao ang nakasala. “Oo, mahitabo usab kana,” ingon niya. “Apan ang dili mapapas nga datos magpakita nga ang mga asawa mao ang naagrabyado nga mga biktima o partido sa kadaghanan nga mga kaso sa panagbangi sa kaminyoon.
“Ang katuyoan niini nga balaodnon mao ang pagpalingkawas sa nasakitan nga kapikas, nga mao ang babaye sa kadaghanan nga mga kaso, aron mahigawas gikan sa ingon nga napakyas nga kaminyoon.”
Sa pagkakaron, dunay tulo ka paagi aron mahimong legal ang pagnagbulag sa managtiayon dinhi sa Pilipinas. Kini pinaagi sa pag-file og petition to dissolve the marriage, pagpangayo og annulment, o legal separation.
