DAKBAYAN SA DABAW (Septembre 22) — Ipatawag sa kapulisan sa National Capital Region (NCR) ang blogger nga si Drew Olivar, barkada ni Assistant Secretary Mocha Uson tungod sa iyang pagbutang sa iyang Facebook ug pagpanghadluk kuno nga naay bomba sa Edsa.
Matud pa ni NCR Director Guillermo Eleazar dili maayo ang komidya ni Olivar hinungndan nga kining ipatawag.
“Amo syang imbitahon aron madungog ang iyang ponto kabahin sa iyang gibutang nga komidya sa facebook, nagpahibalo na man si Presidential Communications Assistant Secretary Mocha Uson nga iyang ubanan si Olivar sa pag adto dinhi.
Sa iyang facebook, gibutang ni Olivar nga hadluk maghimo ug rally sa EDSA tungod sa hulga nga og mga hunghong hungihong nga dunay bomba ug hadluk daw nga ma-otro ang nahitabo sa Plaza Miranda.
Gi-post ni Olivar ang iyang kabalaka sa Facebook, samtang ang pipila ka grupo nagplano nga maghimo ug protesta atol sa ika-46 nga kasumaran sa Martial Law kagahapon.
Sa usa pa ka post, gibutyag ni Olivar nga dili kuno komidya ang iyang gibutang sa Facebook, gani-iyang gibarugan nga dunay hulga sa pagpamomba.
Apan, matud pa ni Eleazar wala silay nadawat ang taho kabahin sa hulga sa pagpamomba.
Una nang na-kontrobersyal si Olivar sa dihang iyang gi-mustra ang ilang gi-planong kampanya sa pederalismo, ug daghan ang nabastosan sa maong video.-Harold V. Pontongan/NewsLine.ph
