USA KA magnitude 6.2 nga linog ang nitay-og sa Batanes kaganinang kaadlawon, Abril 11.
Matud pa sa Philippine Institute of Volcanology and Seismology (Phivolcs), ang tectonic nga linog miigo 16 km northeast sa Basco, Batanes ganinang alas 12:44 sa buntag ug duna kini’y gilawmon nga 174 km.
Intensity 4 ang nabati sa Basco ug Itbayat, Batanes.
Nabati pud ang linog sa Laoag City ug Pasuquin, Ilocos Norte nga may gikusgon nga Intensity 2, ug Intensity 1 ang nabati sa Vigan City sa Ilocos Sur.
Posibleng adunay mga aftershock nga mabati gumikan sa linog, apan dili kini makabuhat og mga kadaot, dugang sa Phivolcs.
