DAKBAYAN SA KIDAPAWAN — USA PATAY ug laing tulo ang samaran sa dihang gi-ambush sa mga suspetsadong membro sa New People’s Army (NPA), ang convoy nga gisakyan sa opisyal sa Directorate for Intelligence Police Opeartions for Eastern Mindanao, kagahapon sayo sa buntag didto sa Talakag, Bukidnon.
Giila sa PRO 10 ang namatay nga pulis nga si Police Corporal Roel Sumaylo; samtang samaran sila si Police Captain Ramil Q. Giche; PSMS Giovanni Malinab ug si PCpl Jerwin Genilla.
Naglatas sa Km. 26 sa barangay Tikalaan ug Dominorog sa munisipyo sa Talakag, Bukidnon ang convoy ni DIPO-EM nga si Police Brig. Gen. Joselito F. Salido, sa dihang kalit silang gi-babagan ug mga armado ug gi-paarakan ug bala.
Sumala sa tato sa PRO-10, naglatas sa maong convoy sa DIPO-EM sa nasyonal highway ug kalit lamang nga giharangan kini ug gipaulanan ug bala sa mga armadong grupo, hinungdan sa pipila ka minutong pag binayluay ug bala tali operatiba sa PRO 10 DIPO-EM ug mga armado.
Daling miresponde sa pag-ambush ang mga kasundolahan sa 403rd BDE AFP, 65IB, RMFB , PMFC Bukidnon ug mga medical team, apan nakalasan gihapon sa kinabuhi ang usa ka miyembro sa kapulisan sa PRO 10 ug nagbilin ug samaran nga tulo kabuok.
Naluwas sa mga nagresponde ga kapulisan si DIPO-EM chief Salido.
Hangtud karong orasa, wala pay mi-angkon sa nahitabong pag-pang ambush.-Randy Patches
