Eroplano sa Delta nahagsa ug nabaliktad, 18 sa 80  ka pasahero naangol

DAKBAYAN SA DAVAO – Normal na unta ang pag landing sa Delta Air Lines  Flight 4819 sa Toronto Pearson International Airport sa Canada niadtong Lunes sa hapon, apan, dunay kalit nga miulbo  ug nalahos kini sa runway hinungdan nga 18 sa 80 ka pasahero nini naangol.

Tulo ka mga pasahero nga gikan sa Minneapolis-St. Paul International Airport nag-antus ug kritikal nga nasamdan,  lakip niini usa ka bata, sumal sa sa otoridad sa Canada.

Ang US carrier Delta miingon nga usa ka CRJ900 nga eroplano nga gipadagan sa Endeavor Air subsidiary niini ang nalambigit sa  aksidente  nga nagkarga og 76 ka mga pasahero ug upat ka mga tripulante nga sakay.

Ang 16-anyos nga CRJ900, nga hinimo sa Bombardier sa Canada ug gipaandar sa GE Aerospace nga mga makina, dunay kapasidad nga mokarga og hangtod sa 90 ka tawo.

 Sumala sa  usa ka pasahero, normal ang tanan una pa milanding ang eroplano, apan kalit kayo ang panghitabo.

Saysay sa laing pasahero nga na interbyu sa mga reporters, nakit-an niini gikan sa iyang lingkuranan nga doul sa bintana ang  jet fuel nga nagsugod og dagayday sa mga bintana una pa kini nag crash landing.

Bisan pa man sa trahedya, luwas ang  80 ka mga tawo sakay niini. Sa usa ka pagpamilok, murag doul na sa kamatayon ang mga pasahero apan, suerteng luwas silang nakagawas sa eroplano.

Misilaob samtang kini nagdagan sa  runway, dayon kini nabaliktad , ang tuo nga pako niini naputol.

Nagtinabangay ang mga n sa miaging duha ka bulan, kini nga pagkahagsa napamatud-an nga lahi. Ang mga flight attendant ug mga pasahero nakahimo sa pagtabang sa usag usa gikan sa mga emergency exit ug ngadto sa runway.

.Ang mga awtoridad sa Canada miingon nga ilang susihon ang hinungdan sa pagkahagsa, nga wala pa mahibal-an.