DAKBAYAN SA DAVAO — Gisugdan na sa Gcash ang pagwala sa ubang letra sa nagpadala og kuarta pinaagi sa ilang GCASH (G-Xchange Inc,).
Ang Gcash, usa ka kompanya nga nagapasa og kuarta pinaagi sa mobile phone, naghimo og lakang aron wagtangon ang pagbutyag sa nagpadala og kuarta atol sa transaksyon taliwala sa isyu sa data privacy ug mga way pulos nga mga mensahe sa mga mobile phones.
Sa usa ka pahayag karong adlawng Huebes, gisaysay niini nga ilang giwala ang ngalan sa sender sa kuarta aron maprotekahan ang ilang kleyente.
Una pa niining kabag-ohan, Makita pa ang mga pangalan sa nagpadala og kuarta,
“Kinahanglan nga among balansehon ang mga kasinatian sa among mga kustomer ug protektahan ang among mga kleyente batok sa mga mapahimuslanon o mga scammers,” saysay ni GCash chief information security officer Mark Frogoso.
Sa pagkakaron dunay 66-milyones ka rehistradong GCash users.
Gisaysay sa kompanya nga duna nay silay na “BLOCK” kon gibasura nga 1.37 milyon ka mga malimbungon nga mga account sukad niadtong Enero hangtud Hulyo karong tuiga.
Gisaysay usab sa kompanya nga duna silay natiktikan nga mga peke ug mga hinimo-himu nga account ug ang uban migamit pa sa pangalan sa ubang kompanya apil na niini ang 900 ka phishing sites ug 400,000 social media accounts.
Nauso na ang Personalized scam text messages sa Pilipinas ug naglisod na ang National Privacy Commission (NPC) sa pagpangita sa mga inpormasyon kabahin niining mga kabuang.
Sumala sa NPC nakig-alayon na sila sa Gcash ug sa instant messaging application sa Viber aron mabantayan ang mga gipangpasa nga inpormasyon.
“Nakig-alayon na kami sa National Privacy Commission sa hisgutanang text scams nga dunay mga pangalan,” saysay ni Frogoso.
