DAKBAYAN SA DABAW-— Kalit nga gi-undang sa finance committee sa Senado ganina ang hearing sa P13.36B nga budget alang sa Commission on Audit (COA) alang sa tuig 2024, bisan walay igong rason.
Sumala ni Senate finance committee chairperson Sen. Sonny Angara ilang ideritso pag -indorso sa plenaryo ang budget.
Sa kinatibuk-ang budget nag gipangayo sa COA ubos sa National Expenditure Program (NEP) sa tuig 2024, ang pinakadaku nga bahin niini mao ang P13.179 billion alang sa “personal services” apil na niini ang retirement ug life insurance premiums nga mibalor og P636 million.
Samtang ang P690.55 million paingon sa maintenance and other operating expenses ug laing P126.85 million alang sa capital outlay.
