DAKBAYAN SA DABAW —- Posas ang giabot sa hepe sa Argao Pulis didto sa Dakbayan sa Sugbo, human kini naabtan sa kapulisan nga nagdulog sa 23-anyos nga babayeng priso sulod mismo sa iyang kuarto sa istasyon sa minusipyo, samtang laing piniriso natulog sa iyang opisina.
Sa taho nga gipadala sa buhatan ni Philippine National Police (PNP) chief Gen. Archie Gamboa, nga gipagawas sa media niadtong biernes, giila ni pulis col. Ronald Lee, acting director sa PNP-Integrity Monitoring and Enforcement Group (IMEG), ang pulis nga si Maj. Ildefonso Miranda Jr..
Giaresto si Miranda sa mga sakop sa anti-scalawag operatives sa usa ka raid niadtong Huebes sa gabii.
“Si Major Miranda ug ang babyeng prison naabtan nga nangatulog sa katre, samtang ang usa pa ka babayeng priso hinanok nga natulog sa iyang opisina, dili namu ini palampason,” saysay ni Lee.
Ang duha ka prison, nag atubang ug kasong may kalambigitan sa ilegal nga druga, ug kini nasikop sa duha ka magkalahi nga pag pangrondo, maong didto gibalhug sa prisohan, apan gidulog hinoun sa opisyal.
Gi recomenda na ni Lee kang Brig. Gen. Albert Ferro, direkto sa Central Visayas police, nga maghimo ug summary dismissal proceedings batok sa akusadong opisyal.
Gibutyag ni Lee, nga gitiktikan na sa PNP-IMEG Visayas Field Unit si Miranda human sila nakadawat sa taho nga iyang gipapuyo ug ginapatulog ang mga babayeng priso sa iyang kuarto.
Ang report sa IMEG nagbutyag nga “Nagkighilawas ang 46-anyos nga opisyal sa iyang mga priso ubos sa kondisyon nga sila makatulog sa iyang bugnaw nga kuarto.”
Sa mga hulagway nga nakuha sa IMEG, makita ang usa ka priso nga nagsuot ug pangkatulog, samtang usa na usab ka hulagway ang nagpakita nga gisout sa babayeng priso ang uniporme ni Miranda ug nagsalut pa kini sa opisyal.
Samtang ang usa ka babayeng prison gihimong katabang ni Miranda, sumala ni Lee.
Dayong gikuhaan si Miranda sa iyang pistola atol sa pag-aresto kaniya.
Laing kasong paglapas sa Republic Act 3019 or the Anti-Graft and Corrupt Practices Act, Article 210 of the Revised Penal Code (RPC) for Direct Bribery, ug Article 156 , ang atubangon ni Miranda tungod sa iyang pagpagawas sa mga priso sa sulod sa ilang selda.
