DAKBAYAN SA DABAW (Agosto 24) — Gipa-imbestigahan sa Palasyo nganong gibukbok ang sento trayntay tres mil (133,00) ka sako sa bugas nga pinalit sa National Food Authority (NFA)Â gikan sa nasud sa Thailand.
Gibutyag ni Harry Roque, ang tigpamaba ni Presidente Rodrigo Duterte, nga padayon silang nagpaabot sa tubag sa NFA sa ilang pangutana, nganong gibukbok ang bugas?
Matud pa ni Roque nasayod na ang Presidente sa nahitabo sa bugas nga gipalit sa Thailand.
Miabot ang barko nga nagdala sa sento otsentay sais (186,000) mil ka sako sa bugas niadtong unang semana Agosto, apan hangtud karon wala pa kini ma-deliver sa merkado tungod sa problema sa bukbok.
Sento trayntay tres mil (133,00) mil ka sako, sa kinatibuk-ang Sento otsentay sais (186,000) mil ang gipangbukbok.
Nadiskobrehan nga gibukbok ang bugas samtang gidiskarga kini sa barko, gani nangitom na ang mga sako kay nalukop na sa bukbok. Padayon pa kining gitambalan sa pagka-karon didto sa Tabaco Port sa Albay, kung diin naka-dunggo ang barko.
“Na-deliver na unta sa merkado ang mga bugas kung wala pa kini pangbukbok,” si Roque midungag.
“Dili man angayan nga mahitabo ang maong problema, kuarta sa katawhan ang gipalit sa bugas unya karon mao nay nahitabo,” saysay ni Roque.
PALIHUG BASAHA:Â /imported-nga-bugas-gikan-sa-thailand-gibukbok/
Gipasalig himoun ni Roque, nga utingkayon sa Palasyo ang panghitabo tungod kay sakop sa Opisina sa Presidente ang NFA.-HaroldV. Pontongan/Newsline.ph
