DAKBAYAN SA DAVAO- — Dili na kinahanglan mananghid ang Pilipinas sa China kungmodisisyon kini nga suhiron ang lana sa West Philippine Sea (WPS), mano kini ang opinion ni kanhi Supreme Court Associate Justice Antonio Carpio.
Sa interbyu sa ANC Digital kang Carpio niadtong Mierkules, gisaysay sa kanhi hurado nga ang ubang nasud sama sa Malaysia ug Indonesia dugay nang naghimo niini ug nagmalampuson sila.
Si Carpio, dugay nang nagduso sa ideya nga himoun ang eksplorasyon sa lana didto sa sa exclusive economic zone sa nasod.
Subli niining gipanawagan ang gobyerno nga sugdan na ang pagkuha og gas sa Reed Bank sa West Philippine Sea aron malikayan ang posibleng makadaot nga epekto sa ekonomiya sa pagkauga sa Malampaya gas field.
Gisaysay ni Carpio sa ANC, nga ang service contractor nga Forum Energy andam nga magpadala sa ilang survey ug drill ship ngadto sa Reed Bank “kon sila adunay proteksyon” gikan sa gobierno.
Misugyot si Carpio nga ang Philippine Navy mohimo og joint patrol uban sa US o uban pang mga kaalyado aron sa pag-uban sa survey ship ngadto sa Reed Bank, “kay mao kini ang gibuhat sa Malaysia ug Indonesia.”
“Ipadala ang imong survey ship, ayaw paglangan,” matud ni Carpio.
Niadtong Marso 2023, ang administrasyong Marcos ug China nagpahibalo sa pasiunang panaghisgot sa posibleng joint venture sa lana.
Sa dihang gipangutana kon angay bang ipadayon sa Pilipinas ang negosasyon sa China bahin sa oil drilling sa Reed Bank, si Carpio miingon, “We should keep on talking ’cause you don’t lose anything.”
Ang administrasyong Duterte mihimo og susamang diskusyon sa Beijing apan gibiyaan sila tungod sa mga limitasyon sa konstitusyon.
Ang Reed Bank, nailhan usab nga Recto Bank, anaa sa sulod sa exclusive economic zone sa Pilipinas sa amihanan-kasadpan sa Palawan ug gituohan nga adunahan sa mga deposito sa lana ug gas.
Ang Reed Bank makakupot ug hangtod sa 5.4 bilyong baril sa lana ug 55.1 trilyon cubic feet sa natural nga gas, sumala sa taho sa 2013 gikan sa United States Energy Information Administration.
