DAKBAYAN SA DAVAO –— Namatay ang Presidente sa Iran nga si Ebrahim Raisi human nawala sa kahanginan ug nahagsa ang helicopter nga iyang gisakyan niini didto sa lalawigan sa East Azerbaijan sa Iran,
Gikonpirma sa IRNA News, ang opisyal nga news agency sa Iran ang kamatayon ni President Raisa ug ni Foreign Minister Hossein Amir-Abdollahian.
Sa opsyal nga report sa Iran, nagsakay si Raisi ug si Abdollahian sa helikopter gikan sa ilang pagbisita sa East Azerbaijan province ug pauli na sila sa dihang nahitabo ang aksidente.
Sumala sa IRNA news baga kaayo ang gabon sa palibot og bakilid kung diin nahagsa ang gisakyan ni Raisi ug Abdollahian ug naglisod ang rescue team pagadto sa lugar.
Kuyog ni Raisi ang uban pang mga opisyal ug mga bobygard sa dihang nahitabo ang aksidente sumala sa IRNA.
