DIPOLOG CITY — GIDEKLARA sa kapulisan sa rehiyon nuwebe nga nahimong nagmalinawon ang pasugat sa katawhan sa bag-ong tuig human wala silay natala nga mga dagkung panghitabo.
Gibutyag ni Police Brigadier General Rolando Genaro Ylagan ang Regional Director sa Police Regional Office 9 nga subay sa ilahang gihimo nga assessment walay natala nga mga nabuthan og pabuto , nagpabuto og armas sa way igong rason, ingon man naigo og saag nga balasa tibook rehiyon samtang gisugat sa katawhan ang bag-ong tuig.
Gisulti ni Ylagan na nakatabang aron magpabilin ang kalinaw rehiyon ang gipakanaug nga kamanduan sa Regional Peace and Order Council kon RPOC ngadto sa matag lokal nga gobyerno nga pag-regulate sa paggamit og pabuto tulo ka adlaw una ang pasko ug bag-ong tuig.
Matud sab ni Ylagan nga halos tanang mga local government units kon LGU mtamod usab sa maong gipakanaug nga kamanduan sa RPOC hinungdan nga nahimong hapsay ang tanan.
Nahimong sumbanan sab sa kapulisan sa pagpatuman sa kalinaw ang ilahang kampanya nga “Ligtas Paskohan sa 2020” nga diin nag-unang tumong niini nga malikayan ang mga krimen nga mahitabo ug luwas ang katawhan.
Gipasigarbo sab ni Ylagan nga wala bisan si kinsa sa iyahang mga sakop nga pulis ang nagpabuto sa ilahang mga armas sa way igong rason atol sa pagsaulog sa pasko ug sa pagsugat sa bag-ong tuig pinaagi sa ilahang gihimo nga pagtap-tap sa buka sa mga armas.
Samtang nahimong nagmalampuson usab ang ilahang tinguha tungod usab sa tabang og suporta gikan sa katawhan sa rehiyon.
ZORAYDA EVA MUSTARIL-NEWSLINE PHILIPPINE ZAMBOANGA DEL NORTE—STAY SAFE
Region-9 malinawon pagsaulog sa Pasko ug Bag-Ong tuig
Date:
Share post:
