DAKBAYAN SA DAVAO–-Pakyas ang mga Pilipino nga naglaum nga makita ang Solar Eclipse unyang gabii, Abril 8.
Sumala ni PAGASA astronomer nga si Nico Mendoza, dili kini makita sa Pilipinas.
Ang solar eclipse mahitabo kung ang bulan mobabag sa adlaw. Kini mahitabo kung ang usa ka bag-ong bulan nahimutang sa atubangan sa adlaw, hinungdan sa kangitngit.
“So may time na tumatama mismo ‘yung moon dun sa path na magkatapat ‘yung araw at saka ‘yung earth so nasa gitna siya, dun po tayo nagkakaroon ng solar eclipse,” dugang ni Mendoza.
Sa pahayag sa PAGASA Astronomical Observatory, ang Abril 8 nga solar eclipse dili makita sa Pilipinas tungod kay kini moagi sa North America, lakip ang Mexico, United States, ug Canada.
Matod ni Mendoza dili luwas ang direktang pag-obserbar sa solar eclipse tungod sa kahayag sa adlaw. Kinahanglan ang mga proteksiyon nga filter o sunglass.
Bisan pa, ang Abril 8 nga solar eclipse dili makita sa Pilipinas tungod kay kini moagi sa North America, lakip ang Mexico, United States, ug Canada.
Ang sunod nga total solar eclipse sa Pilipinas gikatakdang mahitabo sa Abril 20, 2042, ug kini makita gikan sa Legazpi City.
