DAKBAYAN SA DAVAO-— Nasikop sa kapulisan kagahapon, Mayo 15, ang duha ka wanted sa daghang kaso sa pagpanglugos sa managlahing operasyon sa Zamboanga City Police Office.
Unang nasikop si Joel Adion Erasga sa Barangay Zone 1 sa Zamboanga City, nga adunay siyam ka kaso sa pagpanglugos sa korte sa maong dakbayan, adunay warrant of arrest alang kaniya nga gipirmahan ni Judge Ivy Damayo Elviña, pinetsahan og Mayo 13, 2024.
Walay piansa nga girekomenda ang Family Court Branch 7 sa Zamboanga City alang sa iyang temporaryong kagawasan.
Sunod niini nasikop usab si Rexy Gonzales niadtong Miyerkules, Mayo 15, didto sa Barangay Boalan sa Zamboanga City tungod sa kasong pagpanglugos.
Wala na moangal si Gonzalez sa dihang iyang nakita ang warrant of arrest sa mga operatiba sa Zamboanga City Police Office gikan sa Regional Trial Court Branch 15 sa maong dakbayan, nga pinirmahan ni Judge Peter Eisma, pinetsahan og Mayo 13, 2024 ug walay piyansa nga gitakda alang kaniya.
