DAKBAYAN SA DAVAO — Mokabat sa 1,300 ka mga patigayon sa nasud ang wala nakahatag og 13th month pay sa ilang mga empleyado nidtong tuig 2020.
Sa Laging Handa virtual press conference niadtong Huebes, Oktobre 21, gisaysay ni DOLE Undersecretary Ana Dione, nga magpagawas sila og ‘compliance order” kon ilang manduan ang mga negosyante nga tumanon ang gilagda sa balaud ug hatagan ang mga empleyado sa ilang 13th Month pay.
Iyang usab gisaysay nga adunay 14,000 ka mga patigayon ang nakahatag sa nahisgutang bayaran sa ilang mga trabahante.
Ubos sa Presidential Decree No. 851 gimanduan ang mga kompanya ug patigayon nga mohatag og 13th month pay sa dili pa moabot ang ika-24 sa Disyembre.
