DAKBAYAN SA DAVAO (Pebrero 9) — Gi-istudyuhan sa gobierno karon ang posibling pagsilot sa abogadong si Ely Pamatong human kini nagsunog ug flag sa Malaysia.
Ginatuki na ang kaso kabahin sa gihimo ni Pamatong gihimo human gitawag sa Malaysia ang atensyon sa Pilipinas tungod sa panghitabo.
Sumala ni Ambassador to Malaysia Charles Jose “Amo nga gi-istudyuhan karon ang lakang nga among himuon batok kang Pamatong, dili kini puede pasagdan lang, amo gikasubo ang panghitabo, sayod kami nga nasakitan ang nasud sa Malaysia niini, nangayo kami’g pasayo kanila.”
Matud pa sa taga embahada, si Pamatong “Nailhan nang kanunay maghimo og kontrobersiya, ug kadaghan na kini nahitabo,” ug sagad sa iyang ginahimo, wala nagpasabot nga kini baruganan sa nasud Pilipinas.
Gabalik sa embahada ang iyang baruganan, nga hugot kining mosuporta sa paglambo sa Malaysia ug nindot ang relasyon tali sa Pilipinas ug Malaysia.
Sa Facebook account ni Pamatong nga “President Pamatong Supporters”, makita si Pamatong nga nagsunog ug flag sa Malaysia samtang iyang gipanghimaraut ang iyang gitawag nga “continuing invasion of the State of Sabah” o padayong pagsulod sa estado sa Sabah.
Kagahapon, adlawng Biernes, gikondena sa Malaysia ang gihimo ni Pamatong ug ilang gilantaw ang maong insidente nga sobra ka kontrobersyal.
Ang Foreign Ministry sa Malaysia nanawagan ug usa ka bug-at nga silot alang kang Pamatong aron isiguro nga dili na kini niya himuon ug otro kay makadaut kini sa relasyon sa Malaysia ug Pilipinas.
“Hugot nga gikondena sa Malaysia ang pagsunog sa flag nila ug usa kini ka seryosing panghitabo. Ang flag sagrado kanamo kay kini ang simbolo sa among nasyon, angayan nga kini respetohon,” matud pa sa sulat pamahayag sa Malaysia.
Ang gihimo ni Pamatong gisaway sa mga Malaysians ug gilantaw kini isip “anti-Malaysia” nga ilang gilantaw nga opensiba batok sa ilang nasud, gani ilang gilantaw ang ga pasangil ni Pamatong nga walay igong basehan.
Si Pamatong, nga miproklama nga lider sa United States Allied Freedom Fighters of the East, nailhan sa iyang kamaldito tungod sa iyang pagkatag ug suyak sa mga nagunang dalan sa Metro Manila niadtong 2004.
Gisuspenso sa Korte Suprema ang iyang pagpadayong pag-pangabugar ug mga kaso niadtong 2016 tungod sa iyang sakit nga pinulungan kabahin sa isyu sa korapsyon nga milambigit sa usa ka huwes.-jap
