DAKBAYAN SA DAVAO— Mas mitaas ang numero sa pamilyang walay makaon sa unang tulo ka bulan sa tuig 2024 kumpara niadtong katapusang tulo ka bulan sa tuig 2023, kini ang migawas sa survery nga gipagawas sa Social Weather Station niadtong milabayng adlaw.
Nakita sa survey nga misaka sa 46porsyento (46%) ang miingon nga wala gayud silay makaon bisan pa man dunay mapalitan og pagkaon.
Sa survey nga gilangkubag sa 1,500 ka mga indibidual, 64 ka porsyento nga taga Visayas miingon nga wala silay makaon ug sila miangkon nga nagpuyo sa kalisod o pobre, gisundan sa Mindanao sa 56porsyento, sa Luzon areas sa gawas sa capital region sa 38 porsyento, ug sa Metro Manila sa 33porsyento.
Samtang, 33porsyento ang miingon nga “kabus sa pagkaon” base sa pagkaon nga ilang gikaon, kini usab ang migawas sa survey niadtong Disyembre tuig 2023.
Apan namatikdan sa SWS nga ang miangkon nga sila kabus misaka sa Visayas ug Metro Manila.
Sumala sa SWS, niadtong Marso, misaka ang numero sa mga pamilyang nagsisod og kaon, ug nakita nga sa Visayas 46 porsyento, gisundan sa Mindanao sa 44 porsyento, Metro Manila sa 28 porsyento, ug Balance Luzon sa 24 porsyento,” matod sa SWS.
