DAKBAYAN SA DABAW — Sikop sa anti-narcotic operatives ang usa ka magtutudlo sa pampublikong tulunghaan sa Maguindanao sa usa ka buy-bust operation didto sa Barangay Bagua, Cotabato City, niadtong Lunes sa gabii, Agosto 31.
Apan, nakasibat ang bana niini samtang gipatuman ang operasyon niadtong lunes sa syudad. Usa ka ahente sa Philippine Drug Enforcement Agency sa Bangsamoro Autonomous Region in Muslim Mindanao (PDEA-BARMM) ang nakasikop sa usa ka magtutudlo nga nagbaligya og usa ka sachet sa shabu niadtong alas otso sa gabii didto sa Barangay Bagua.
“Ang magtutudlo ug ang iyang bana gikonsidera nga usa ka high-value taget ug gi panid-an kini og usa ka bulan una ang operasyon niadtong lunes,”sumala ni Juvenal Azurin, PDEA-BARMM Director.
Matud pa ni Azurin, ang suspetsado nakuhaan og unom ka gramo nga Shabu nga nagbalor og 40,000 ug ang marked money gi-identify ni Azurin. Ang bana sa dinakpan nga si Jam ginapangita na sa PDEA-BARMM ug sa City Police Office sa kasamtangan. Newsline.ph
