DAKBAYAN SA DABAW-– Nanawagan og hustisya si University of the Philippines Manila (UPM) chancellor Dr. Carmencita Padilla, Philippine General Hospital director Dr. Gerardo Legaspi, UPM College of Medicine Dean Charlotte Chiong, ug UP Medical Alumni Society president Ma. Cristina Crisologo, sapagsikop kang Dr. Natividad Castro, kay siya alumna sa UPM College of Medicine Class 1995.
Matud sagrupo pagkahuman og graduar ni Castro iyang gihalad ang iyang kaugalingon aron serbisyohan ang nga komunidad sa Agusan ug ubang lugar sa Mindanao.
Gipadangat ni Castro ang sitwasyon sa mga tribu sa United Nations sa Geneva ug sa the European Union Council sa Brussels.
Sa ilang sulat pahayag gisaysay sa UPM Chancellor og sa UPM Aluman “Nahimo na siyang tigpanalipod sa tawhanong katungod sa mga Lumad og sa indigenous communities nga iyang gialagaran sa pipila na ka katuigan. Iyang gihimo ang misyon sa UP nga ang mga migraduar moalagad sa komunidad labi na sa nanginahanglan og tabang.”
Niadtong Biernes, Pebrero 18, Si Castro gisikop sa mga operatiba sa Philippine National Police (PNP) ug sa Armed Forces intelligence sa Barangay San Perfecto, San Juan City tungod sa Warden de Aresto nga gipagawas ni acting presiding judge Fernando Fudalan sa Regional Trial Court Branch 7 sa Bayugan City, Agusan del Sur niadtong Enero 30, 2020.
Matud sa kapulisan, si Castro taas og ranggo nga membro sa Communist Party of the Philippines (CPP) ug nag-atubang og kasong kidnapping ug serious illegal detention.
Matud sa UPM ilang gikagoul ang padayon nga pagmarka ug pula kang Castro nga unta iya lang gialagaran ang komunidad.
Naglaum sila nga makab-ot ni Castro ang hustisya ug irespeto sa otoridad ang iyang tawhanong katungod.
Nanawagan usab sila sa katawhang Pilipino nga suportahan ang ilang kawsa aron ipaniguro nga luwas si Castro samtang naghalad sila og pag-ampo sa iyang pamilya.
Una nang nagpagawas og pahayag ang kapulisan nga ilang irespeto ang katungod ni Castro ug ilang ipaniguro nga uwas kini sa ilang poder.
Anaa na si Castro sa kustodiya sa PNP Bayugan..-Arjun Ramones
