DAKBAYAN SA DAVAO — Nanawagan na ang Istados Unidos sa China niadtong Martes nga undangon na ang “peligro ug makagubot nga hinimuan kabahin” sa South China Sea.
Kini human misaysay ang National task Force on Philippine Sea nga niadtong Lunes nga gituyo sa duha barko sa China Coast Guard nga banggaan sa mga bangka sa Pilipinas ug giisprihan kini og tubig, hinungdan nga nasamdan ang upat ka tripulante nga paingon unta sa Ayungin Shaol aron maghatud ug suplay.
Ang US State Department pinaagi ni Matthew Miller nagpunting sa usa ka internasyonal nga desisyon sa tribunal kaniadtong 2016, nga mihukom nga ang China “walay legal nga maritime claims” sa kadagatan sa palibot sa Ayungin, kay nga “klaro nga sulod kini sa Philippine Exclusive Economic Zone.”
Unod sa probisyon sa 1982 Law of the Sea Convention ug sa 2016 arbitral desisyon, ang pinal ug legal nga nagbugkos sa People’s Republic of China ug sa Pilipinas, sa isyu kabahin sa West Philippine Sea.
Tungod niini, nanawagan ang Estados Unidos sa China nga sundon ang hukom o desisyon ug ihunong na ang delikado ug makagubot nga pamatasan.
Sa usa ka press briefing, midungag si Miller nga ang US-Philippines Mutual Defense Treaty motabang sa Estados Unidos batok sa mga armadong pag-atake sa mga barko sa Pilipinas, lakip na sa mga coast guard, bisan asa sa South China Sea.
Ang kasabutan nagpasabot nga kinahanglan suportahan sa Washington ang Pilipinas kung adunay moatake niini.
Nagdumili si Miller sa pagsulti kung ang kasabutan mahimong mitsa sa labing bag-ong insidente.
Matud ni Miller, . “Dili ako mag-isip o mag-una una sa bisan unsang mga diskusyon – bahin niini.”
Sa laing bahin, ang China Coast Guard miingon nga ila lang gidepensahan ang ilang teritoryao batok sa mga barko sa Pilipinas nga “ilegal nga misulod” sa kadagatan sa palibot sa shoal.
